Politika e privatësisë

Përditësuar: 28 shtator 2026 · vlen për aplikacionin web, Android dhe iOS «Dy Hafizë»

Kush jemi

Aplikacioni «Dy Hafizë» ofrohet nga Codexio (Ajet Alimi), Zvicër. Kontakt: ajet.alimi@gmail.com. Serverët ndodhen në Zvicër.

Çfarë të dhënash përpunojmë

• Pa llogari: asgjë personale. Kohët e namazit llogariten në pajisjen tuaj. Nëse lejoni vendndodhjen, ajo përdoret vetëm lokalisht për kohët e namazit dhe kiblën dhe nuk dërgohet në server (widget-et kërkojnë kohët për koordinatat tuaja, pa emër e pa identifikues).
• Me llogari: emri, adresa e e-mailit, roli (nxënës/hafiz), grupi, progresi i leximit të Kuranit, regjistrimet e përsëritjes që ju vetë i dërgoni te hafizi, pyetjet që bëni. Llogaria aktivizohet nga administrata.
• Njoftimet: nëse i lejoni, ruhet një abonim push (pa përmbajtje personale) për kohët e namazit, ajetin e ditës, shpalljet dhe përgjigjet.
• Transmetimet live: video/audio kalojnë përmes serverit tonë LiveKit vetëm në kohë reale — nuk regjistrohen dhe nuk ruhen.

Shërbime të palëve të treta

• api.quran.com — teksti i Kuranit dhe përkthimet (kërkesa pa të dhëna personale).
• cdn.islamic.network — audio i recitimit.
• YouTube — videot e kanalit shfaqen si lidhje; hapja e tyre i nënshtrohet politikës së YouTube.

Nuk përdorim reklama, gjurmim (tracking) apo analitikë të palëve të treta. Të dhënat nuk shiten dhe nuk u jepen të tjerëve.

Ruajtja dhe fshirja

Të dhënat ruhen sa ekziston llogaria juaj. Llogarinë mund ta fshini vetë në çdo kohë në aplikacion: Cilësimet → «Fshi llogarinë» — llogaria dhe të dhënat tuaja fshihen menjëherë. Mund ta kërkoni fshirjen edhe me e-mail te adresa e mësipërme — fshihen brenda 30 ditëve.

Fëmijët

«Këndi për fëmijë» funksionon pa llogari dhe nuk mbledh të dhëna. Llogaritë për të mitur krijohen vetëm nga prindërit/kujdestarët përmes administratës.

Siguria

Lidhja është e enkriptuar (HTTPS). Qasja në të dhëna kufizohet me rregulla në nivel rreshti (Row Level Security): çdo përdorues sheh vetëm të dhënat e veta dhe ato që administrata i ka bërë publike.

Duke përdorur aplikacionin pajtoheni me këtë politikë. Ndryshimet publikohen këtu.